Rakthasakshikal – Anil Panachooran രക്തസാക്ഷികള്‍ – അനില്‍ പനച്ചൂരാന്‍

Anil Panachooran Kavithakal

Anil Panachooran Kavithakal

Spread the love

Malayalam Poem Rakthasakshikal (Chora veena Mannil) By Anil Panachooran

ചോര വീണ മണ്ണിൽനിന്നുയർന്നു വന്ന പൂമരം
ചേതനയിൽ നൂറു നൂറു പൂക്കളായ് പൊലിക്കവെ
നോക്കുവിൻ സഖാക്കളെ നമ്മൾ വന്ന വീഥിയിൽ
ആയിരങ്ങൾ ചോര കൊണ്ടെഴുതി വച്ച വാക്കുകൾ
ലാൽ സലാം ഉം…ഉം..ലാൽ സലാം

മൂർച്ചയുള്ളൊരായുധങ്ങളല്ല പോരിനാശ്രയം
ചേർച്ചയുള്ള മാനസങൾ തന്നെയാണതോർക്കണം
ഓർമകൾ മരിച്ചിടാതെ കാക്കണം കരുത്തിനായ്
കാരിരുമ്പിലെ തുരുമ്പ് മായ്ക്കണം ജയത്തിനായ്

നട്ടു കണ്ണു നട്ടു നാം വളർത്തിയ വിളകളെ
കൊന്നു കൊയ്തു കൊണ്ടു പോയ ജന്മികൾ ചരിത്രമായ്
സ്വന്ത ജീവിതം ബലി കൊടുത്തു കോടി മാനുഷർ
പോരടിച്ചു കൊടി പിടിച്ചു നേടിയതീ മോചനം

സ്മാരകം തുറന്നു വരും വീറു കൊണ്ട വാക്കുകൾ
ചോദ്യമായി വന്നലച്ചു നിങ്ങൾ കാലിടറിയോ
രക്ത സാക്ഷികൾക്കു ജന്മമേകിയ മനസ്സുകൾ
കണ്ണുനീരിൻ ചില്ലുടഞ്ഞ കാഴ്ചയായ് തകർന്നുവോ

ലാൽ സലാം ലാൽ സലാം

പോകുവാൻ നമുക്കു ഏറെ ദൂരമുണ്ടതോർക്കുവിൻ
വഴിപിഴച്ചു പോയിടാതെ മിഴി തെളിച്ചു നോക്കുവിൻ
നേരു നേരിടാൻ കരുത്തു നേടണം നിരാശയിൽ
വീണിടാതെ നേരിനായ് പൊരുതുവാൻ കുതിക്കണം

നാളെയെന്നതില്ല നമ്മളിന്നു തന്നെ നേടണം
നാൾ വഴിയിലെന്നും അമര ഗാഥകൾ പിറക്കണം
സമത്വമെന്നൊരാശയം മരിക്കുകില്ല ഭൂമിയിൽ
നമുക്കു സ്വപ്നമൊന്നു തന്നെ അന്നുമിന്നുമെന്നുമെ

സമത്വമെന്നൊരാശയം മരിക്കുകില്ല ഭൂമിയിൽ
നമുക്കു സ്വപ്നമൊന്നു തന്നെ അന്നുമിന്നുമെന്നുമേ.

Chora veena mannil ninnuyarnnu vanna poomaram
Chethanayil nooru nooru pookkalaay pozhikkave
Nokkuvin saghaakkale nammal vanna veedhiyil
Aayirangal chora kondezhuthi vacha vaakkukal
Lal salaam umm..umm..Lal salaam

English Summary: This page contains the lyrics of Malayalam Poem Rakthasakshikal (Chora Veena Mannil Lyrics) written by poet Anil Panachooran

Anil Panachooran (20 November 1969 – 3 January 2021) was an Indian poet and lyricist best known for his work in Malayalam film and poetry.

Anil Panachooran Kavithakal: oru mazha peythenkil, Rakthasakshikal, Nidradanathile Swapnabamgam, Pravasiyude Pattu (Thirike njan varumenna), Chandrayanam, Kaavadikkaran, Anadhan, Ente Yaminiku, Parvathy, Akshethriyude Aathmageetham (Pookatha mullaku), Vilkkuvaan Vachirikkunna Pakshikal (Valayil veena kilikal), Pranayakalam (oru kavitha koodi njan)

Anil Panachooran Kavithakal അനിൽ പനച്ചൂരാന്റെ മറ്റു കവിതകൾ

Leave a Reply