Malayalam Poems with Lyrics
നീ കണ്ട ഞാനല്ല ഞാൻ എന്നത്
നീ ഒരിക്കലും അറിയില്ലയെന്നു സത്യം!
പുഴയൊഴുകും പോലങ്ങനെ
അടിത്തട്ടിലൊരു ഞാൻ ഒഴുകിക്കൊണ്ടേയിരിന്നു
അടിയൊഴുക്കുണ്ട്;
ചിന്തകളുടെ ചേറുണ്ട്;
നോവിൻ്റെ കനമുണ്ട്;
മുങ്ങിമരണമടഞ്ഞവരുടെ
കുഞ്ഞോളങ്ങളിൽ ഒഴുകിനടപ്പുണ്ട്
ഞാൻ കണ്ട സ്വപ്നങ്ങൾ;
എന്തൊരഴകാണവക്കെല്ലാം;
ഒന്നിച്ചു കണ്ടൊരാ കൊച്ചു സ്വപ്നങ്ങൾ
മരിക്കാതിരിക്കാൻ ഞാൻ;
നീ കണ്ട ഞാനായിടട്ടെ
മുഖപടം മാറ്റി നിന്നെയെതിരേൽക്കാൻ
ഒരുങ്ങി ഞാൻ;
അണയുവാനെന്തേ അമാന്തമിന്നും.
By ALLU, [email protected]
