കുമാരനാശാൻ, Poems of Kumaranasan
Pookkalam Poem By Kumaran Asan
പൂക്കുന്നിതാ മുല്ല, പൂക്കുന്നിലഞ്ഞി
പൂക്കുന്നു തേന്മാവു, പൂക്കുന്നശോകം
വായ്ക്കുന്നു വേലിക്കു വര്ണ്ണങ്ങള്, പൂവാല്
ചോക്കുന്നു കാടന്തിമേഘങ്ങള്പോലെ.
എല്ലാടവും പുഷ്പഗന്ധം പരത്തി
മെല്ലെന്നു തെക്കുന്നു വീശുന്നു വായു,
ഉല്ലാസമീ നീണ്ട കൂകൂരവത്താ-
ലെല്ലാര്ക്കുമേകുന്നിതേ കോകിലങ്ങള്.
കാണുന്നിതാ രാവിലേ പൂവു തേടി
ക്ഷീണത്വമോരാത്ത തേനീച്ച കാട്ടില്
പോണേറെയുത്സാഹമുള്ക്കൊണ്ടിവയ്ക്കെ-
ന്തോണം വെളുക്കുന്നുഷസ്സോയിതെല്ലാം?
പാടങ്ങള് പൊന്നിന്നിറംപൂണ്ടു, നീളെ-
പ്പാടിപ്പറന്നെത്തിയിത്തത്തയെല്ലാം
കേടറ്റ നെല്ലിന് കതിര്ക്കാമ്പുകൊത്തി-
ക്കൂടാര്ന്ന ദിക്കോര്ത്തു പോകുന്നു വാനില്.
ചന്തം ധരയ്ക്കേറെയായ് ശീതവും പോ-
യന്തിക്കു പൂങ്കാവിലാളേറെയായി
സന്തോഷമേറുന്നു, ദേവാലയത്തില്
പൊന്തുന്നു വാദ്യങ്ങള്-വന്നൂ വസന്തം!
നാകത്തില്നിന്നോമനേ, നിന്നെ വിട്ടീ-
ലോകത്തിനാനന്ദമേകുന്നിതീശന്
ഈ കൊല്ലമീ നിന്റെ പാദം തൊഴാം ഞാന്
പോകൊല്ല പോകൊല്ല പൂക്കാലമേ നീ!
ചിന്തിച്ചിളങ്കാറ്റുതന് നിസ്വനത്താ-
ലെന്തോന്നുരയ്ക്കുന്നു നീ?-ഞാനറിഞ്ഞു,
“എന്താതനാം ദേവനോതുന്നതേ ഞാ-
നെന്താകിലും ചെയ്യു”വെന്നല്ലയല്ലീ?
English Summary: Pookkalam is a famous Malayalam poem written by poet Kumaranasan. This page contains the lyrics of poem Pookkalam by Kumaranasan.
English rytham of Pookkalam Lyrics by Kumaranasan
Pookkunnithaa mulla, pookkunnilanji
Pookkunnu thenmaavu, pookkunnashokam
Vaykkunnu velikku varnangal, poovaal
Chokkunnu kaadanthi meghangal pole
Elladavum pushpa gandham parathi
Mellennu thekkunnu veeshunnu vaayu,
Ullaasamee neenda kookooravathaa-
lellarkkumekunnithe kokilangal
Pandu pathaam classil paadi padicha kavitha
പൂക്കുന്നിതാ മുല്ല, പൂക്കുന്നിലഞ്ഞി
പൂക്കുന്നു തേന്മാവു, പൂക്കുന്നശോകം
വായ്ക്കുന്നു വേലിക്കു വര്ണ്ണങ്ങള്, പൂവാല്
ചോക്കുന്നു കാടന്തിമേഘങ്ങള്പോലെ.
One of my Fav. poem