അക്ഷരക്കൂട്ടം Aksharakoottam KC Jayaraj
Email to the writer - kc jayaraj
അക്ഷരങ്ങൾ കോർത്തുവച്ച്
സ്വപ്നലോകം തീർക്കുവാൻ
വിദ്യയെന്നൊരാർജവം
ഒത്തു ചേർന്നു നേടിടാം.
പൂക്കളേക്കാൾ സുന്ദരം,
പുഴകളേക്കാൾ ശീതളം
വാക്കിനോളം മൂർച്ചയുള്ളൊ-
രായുധങ്ങൾ ഇല്ലപോൽ.
തോക്കു കൊണ്ടു തോറ്റിടത്ത്
വാക്കിനാൽ ജയിച്ചിടാം
കാറ്റിനൊത്ത ശക്തിയും
കടലുപോലെ വ്യാപ്തിയും.
അമ്മയോളം ധന്യമായ
പുണ്യമാർന്ന ചൊല്ലുകൾ
പാടിടാം നമുക്കു നല്ല
നാളയെ വരിക്കുവാൻ.
ഒത്തു ചേർന്നു നേടിടാം
വിദ്യയെന്നൊരാർജവം
അക്ഷരങ്ങൾ കോർത്തുവച്ച
സ്വപ്നലോകം തീർക്കുവാൻ.
