Malayalam Poem about India
Email to the writer - Vaisakh.V.J Kuttan, Mylachal
എത്രവിശ്രുതമെത്ര മോഹനമെന്റെ
ഭാസുര ഭാരതം.
ആർഷ സംസ്കൃതി വാരിവിതറും
പാവന സ്മൃതി മണ്ഡപം.
ആര്യ ദ്രാവിഡ തത്വസങ്കര
സംസ്കൃതി ബഹു ശോഭനം
ബുദ്ധ, ജൈന മതങ്ങളും പുന
ശങ്കരന്റെയദ്വൈതവും.
അഖണ്ഡഭാരതദേശമാകെ
വിളങ്ങിടും നാനാത്വവും.
ഏകസോദരരെന്നചിന്ത-
യനാകുലംവിലസുന്നിഹ.
നാലുവേദവുമാറുശാസ്ത്രവു-
മനന്തഹിന്ദു പുരാണവും
വേർതിരിക്കുവാനാവതില്ലവ
ലോക സൂരികൾക്കാർക്കുമെ.
വീരധീര ജവാന്മാരുള്ളൊരു
ശ്രേഷ്ഠഭാഗ്യവസുന്ധര.
അഭയാർത്ഥികൾക്സുഖമേകു –
മൊരു പുണ്യഭാരതവീഥികൾ.
വാരി യദ്രികൾ കോട്ട കെട്ടി
കാത്തുകൊള്ളണഭാരതം.
കാലമെത്രകഴിഞ്ഞാലുമില്ല
രിപു വംശരഹസ്യയുദ്യമം.
പുണ്യവാഹിനികൾ നൃത്തമാടു-
മൊരുസർഗ്ഗ സംഗമ തീരവും.
മൗനമായി തപസിരിക്കുമനേക
യോഗികൾ നിദ്രയിൽ.
പാറിടട്ടെ പാതകകൾ ഉയരെ
പാരിൽ സൗഹൃദസന്ദേശമായ്.
മാറിടട്ടെ ജനംരാഷ്ട്രസേവകരായ്
പാടിടട്ടെ ഗണഗീതവും.
