Email to the writer - Neethu Thankam Thomas
നിദ്രയിൽ നിന്നുണർന്ന നേരം
രാത്രിയിൻ അന്ത്യ യാമങ്ങൾ
പേടിപ്പെടുത്തുന്ന മൂകതയിൽ
ഉള്ളിൽ നിന്നാരോ മെല്ലെ ആരാഞ്ഞു
നിന്റെ സുഖനിദ്ര നിനക്ക്
നഷ്ടമായോ പെണ്ണെ
നിന്റെ മാനസം നീറിടുന്നുവോ കണ്ണേ
ഉള്ളിലെ അഗ്ന്നി നാളം
എരിഞ്ഞുയർന്നിടുന്നുവോ
ലോകത്തിൻ മുൻപിൽ
നീ കുലാംഗന തന്നെ
നിന്റെ അന്തഃകരണം
നിന്നുടെ സന്തോഷത്തിനായി
കാംഷിക്കുന്നതാരും
കേൾക്കാതെ പോയോ പൊന്നെ ..
ഇനിയും പുലരും ,
മന്ദസ്മിതത്തിൻ കപടമാം
മുഖം മൂടി അണിഞ്ഞിടാം
വീണ്ടുമൊരു കുലസ്ത്രീയായി
അവതരിച്ചിടാം …
Contact: [email protected]
English Summary: Aval is a Malayalam Poem written By Neethu Thankam Thomas