ഒരവധിക്കാലത്ത് ദൈവം സ്വന്തം നാട്ടിലൊന്ന് നടക്കാനിറങ്ങി.
ദൈവം ആദ്യം കൊതിച്ചത് പ്രണയമാവാനായിരുന്നു,
കുപ്പിവളയിട്ട രണ്ട് കൈകൾ ദൈവത്തിനെ
ഒരുപാട് സ്നേഹിച്ചൊരിത്തിരി വിഷം കൊടുത്തു;
ദൈവമൊരു ശിലയായി,
നിസ്സഹായരുടെ ചോരകൊണ്ട് അവരതിന്
അഭിഷേകം നടത്തി;
വിശന്നപ്പോൾ ദൈവമൊരു കൊച്ചു കുട്ടിയായി,
തളർന്നിരുന്നപ്പോൾ അവർ ദൈവത്തിൻ്റെ വയറ്റത്ത് ആഞ്ഞ് ചവിട്ടി;
വേച്ചു വേച്ചു നടക്കുമ്പോൾ
‘ദൈവത്തിൻ്റെ സ്വന്തം നാട്’ എന്നെഴുതിയൊരു
പരസ്യപ്പലകയിൽ ഒരൊപ്പ് വെക്കണമെന്ന്
ദൈവത്തിന് തോന്നി,
“ദൈവത്തിൻ്റെ കയ്യൊപ്പ്”
English Summary: Daivathinte Kayyoppu is a Malayalam Poem written by Prajith Murali
